BACOLOD CITY – Isa ka amay ang nadakpan sa akto nga nagabaligya sang illegal nga druga sa ginpatigayon nga buybust operation kagab-i sa Brgy. 27, ciudad sang Bacolod.
Ginkilala ang suspek nga si Edison Denal, 47 anyos, kasado kag residente sang Purok Acacia 1, Brgy. 27, Bacolod City.
Ang buybust ginpatigayon sang Police Station 4 sa pagpanguna sang ila acting chief of police nga si Police S/Insp. Rey Tolosa may mg alas 6:31 kagab-i sa balay mismo sang suspek.
Nakuha sa iya possession ang 4 tanan ka sachet sang suspected shabu, marked money, coin purse kag cellphone.
Sa karon ang suspek detained na sa custodial facility sang Police Station 4./dyHB BACOLOD
Facebook Comments
