BACOLOD CITY – Nag-angkon sang pilas ang isa ka amay matapos nga ini ang ginbuno kag ginlampusan pa sa isa ka ilimnan sa Brgy. Handumanan, Bacolod City sini gid lamang nga aga.
Nakilala ang biktima nga si Jomar Guadalupe, 32 anyos ang edad, pumuluyo sang Zone 8, Brgy. Handumanan.
Suno sa biktima nga may mga las 4:10 kaina sang kaagahon sa isa ka ilimnan sa Brgy. Handumanan, naglalisay sila sang wala makilala nga suspek nga naga-inom man sa amo nga duog matapos nga ini sila ang wala nag-itiendihanay.
Nakibot ang biktima sang ini ang ginlampusan kag naigo sa ulo subong man ginbuno pa sa iya likod.
Sa pihak nga bahin, ginpulihan naman kastigo ang isa ka hubog nga lalaki kagab-i sa Brgy. Taculing.
Nakilala ang biktima nga si Ricky Caungon Sr., 45 anyos ang edad, pumuluyo sang Purok BM, Brgy. Taculing.
Natabo ang insidente may mga las 9:40 kagab-i sa amo nga lugar.
Suno sa biktima nga bangud nga ini siya ang naka-inom ginpulihan siya kastigo sang wala makilala nga mga suspek gani nakaangkon ini sang pilas sa iya wala nga kamot.
Ang mga biktima ang lunsay ginpangdala sa Corazon Locsin Montelibano Memorial Regional Hospital./dyHB BACOLOD
