BACOLOD CITY – Imbes nga mag-areluhanay gintiro sang amay ang isa ka lalaki kagab-i nga hana magsulod sa ila balay sa Brgy. Mansilingan.
Ginkilala ang biktima nga si Paul John Montano, 28 anyos ang edad, kasado kag pumuluyo sang Hermlinda Homes sa amo nga barangay.
Samtang, nakilala naman ang suspek nga si Sony San Juan, 53 anyos ang edad, kasado man kag pumuluyo sang 12th Road, nga Purok Chairman sang Hermelinda Homes.
Suno sa amay nga suspek nga si Sony, tatlo palang ka kutsara ang iya timo, may mga las 8:30 kagab-i gulpi sumulod ang iya bata nga si Dondon halin sa guwa kag nagadalagan.
Ginalagas na gali ini sang biktima nga tuyo pa magsulod sa ila balay kag ginpangita ang iya bata kay ‘buk-on’ sini ang ulo.
Si Dondon amu naman ang ginapasibangdan ni Paul nga amu ang rasun kon ngaa nga nagalas-ay sa iya ang iya misis sa ila relasyon bangod pirmi ini sila nagateksanay.
Ayu sang suspek nga amay ni Dondon, nga istoryahan lang ini nila ang problema apang nagpamilit gid ini nga magsulod sa ila nga balay, rasun nga iya ini gintiro sang sulpak.
Ang biktima nag-angkon sang pilas sa iya wala nga siko gani ini ang gindala sa Corazon Locsin Montelibano Memorial Regional Hospital./dyHB BACOLOD
