BACOLOD CITY – Amay nga bangag sa droga ginpangbuno ang iya 2 ka mga menor de edad nga kabataan pasado las 6 kaina sang aga, Hunyo 5.
Detained sa custodial facility sang Police Station 3 ang suspek nga amay nga ginkilala kay Elmer, 42 anyos sang Sitio Sibucao, Barangay Banago syudad sang Bacolod matapos nga iya ginpangbuno ang iya mismo kabataan gamit ang gunting.
Ang biktima nga kabataan ang naga edad 3 kag 2 ka tuig lunsay mga babayi nga nag angkon sang pilas sa ila nga li-og.
Suno sa asawa sang suspek, bangag sa iligal nga droga ang iya bana kag wala nakatulog sang halos lima na ka adlaw kag nakibot nalang ini sang nagahibi na ang duha nila ka kabataan kag dugu-on na.
Gilayon naman gindala sa Regional hospital ang mga biktima para matagaan sang nagakaigo nga pagbulong.
Ang suspek ang may 10 ka mga kabataan sa iya asawa kag lima sini ang mga lalaki kag lima ang babayi.
Samtang ini nga kaso ang yara na sa (WCPD) Women and Children Protection Desks sang PS3.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
