BACOLOD CITY – Nagahinulsol ang isa ka amay nga suspek sa pagbuno sang iya man lamang kaugalingon nga anak sadtong Disyembre 31, las 11:20 sang gab-i sa ila balay sa Purok Banaue, Brgy. Villamonte, Bacolod City.
Suno sa suspek nga si Rolando Opani, 68, pumuluyo sang amo nga lugar nga wala gid siya nakahibalo kon ano ang iya ginhimo bangud sang natabo ang insidente, ini siya ang tuman ka hubog.
Madumduman nga bangud sang tuman nga kahulugbon, nabun-an ni Rolando ang iya kaugalingon nga anak nga si Fritz Opani, 27 anyos ang edad, pumuluyo man sang amo nga lugar.
Gina-insister ni Rolando nga palangga niya ang iya anak gani sang ini siya ang naka-marasmas na sa kahulugbon, daku ang iya paghinulsol kag “daw” mabuang siya sa pagpamensar sa natabo.
Sa interview sang dyHB, daw ma suicide na sya gani sa kahuya kag nakonsensya sa iya ginhimo nga pagbuno.
Sa karon ginpasakaan na sang kaso nga parricide sang Police Station 4 ang suspek, samtang padayon naman nga ginabulong sa Corazon Locsin Montelibano Memorial Regional Hospital ang biktima nga may igo sa iya dughan./dyHB BACOLOD
