Patay ang 45 anyos nga amay samtang pilason ang iya anak matapos nga gintiro sang riding in tandem sa Barangay Mckinley syudad sang Guihulngan, Negros Oriental.
Ginkilala ang napatay kay Rito Acabo matapos nga nag-angkon sang mga igo sa lawas sang wala mapalayag nga armas luthang.
Samtang pilason man ang iya sini nga anak nga 18 anyos nga lalaki nga padayon sa karon ginabulong sa ospital.
Sa imbestigasyon sang kapulisan, tag-iya sang isa ka bakery sa nasambit nga lugar ang biktima kag anay drug surenderer .
Ini ang ikaduha na nga kaso sang pag pangluthang sa nasambit nga syudad samtang gina sa-ulog ang semana santa.
Madumduman nga sang Huwebes, napatay man ang close-in security sang bise alkalde matapos gintiro sang riding in tandem.
[image: image.png]
