TACLOBAN CITY – Nagpakita hin malasakit an mga kapulisan han 2nd Samar Provincial Mobile Force Company ngan Pinabacdao Municipal Police Station matapos buligan an usa nga pamilya nga tulo na kaadlaw nga nagbabaktas tikang pa ha Baybay City, Leyte tipakadto ha Allen, Northern Samar nga sobra 300 kilometro an kaharayo.
Nakita han mga kapulisan an pamilya matapos inI umagi ha check point ha Pinabacdao, Samar, alas 7 han gab-i.
Sumala ha tatay nga hi Ricardo Bernales, upod niya an iya 7 nga anak, karuyag nira magtikang hin bag-o nga panginabuhi ha Allen matapos hira bayaan han iya asawa ha baybay.
Mahitungod hini gintagan han mga kapulisan an pamilya hin pagkaon ngan ginpapahuway hin pira ka oras. Gintagan gihapon han mga kapulisan an pamilya hin gutiay nga kantidad hin kwarta. Usa naman nga bus driver, an nagpasakay ha pamilya hin libre tipakadto ha ira destinasyon.
Mahitungod hini, saludo an Samar Police Provincial Office pinaagi kan PSSupt. Nicholas Torre pinaagi ha iya facebook post ha iya facebook account ha ginpakita nga kamaupay ngan kamabinuliganun han iya mga kapulisan.
