HIMAMAYLAN CITY, NEGROS OCCIDENTAL – Bangud sang tuman nga kahulugbon isa ka lalaki ang nahulog sa nagadalagan na Ceres bus kagab-i sa area sang Hacienda Saraet sa ciudad sang Himamaylan.
Ginkilala ang biktima nga si Arnold Suyo, 46 anyos ang edad, pumuluyo sang Brgy. Progreso, banwa sang Binalbagan.
Suno sa bata sang biktima nga may mga las 7 kagab-i, nagasakay sa bus ang iya amay kag ini ang nagatindog malapit sa pwertahan sang salakyan.
Nagpundo ang bus bangud may pasahero nga magasakay apang sang pagbukas sang pwertahan nahulog ang biktima bangud natulugan gali ini kay tuman ka hubog.
Samad sa iya ulo ang naangkon ni Arnold kag padayon ini karon nga ginabulong sa Corazon Locsin Montelibano Memorial Regional Hospital./not the actual photo
