Amerikano, 18 anyos ug duha ka menor de edad, sapong naggamit og druga

334
PC: RadyoMaN Jonathan Bullo

Gisikop sa Drug Enforcement Team sa Bulua Police Station ang usa ka amerikano, 18 anyos ug duha ka menor de edad human nasapong naggamit sa illegal nga druga.

 

Nahitabo ang insedente mga alas 4:40 kagahapon sa hapon sa Saga Tech Resort, Zone 7, Barangay Bulua ning syudad.

 

Ang Amerikano nailang si Jeremy Smith, 43 anyos, ulitawo, taga 157 Ulano Street, Makawao, Hawai ug temporaryong nagpuyo sa Nature’s Pension House, Chavez / Pabayo Streets ning dakbayan.

 

Kauban sa amerikanong gisikop ang 18 anyos nga si Salman Imam, single ug ang duha ka 17 anyos nga puros taga Barra, Opol, Misamis Oriental.

 

Nakuha gikan sa mga suspects ang usa ka ginamit nga sigarilyo nga dunay dahon sa marijuana ug laing unom ka sticks sa ugang dahon sa marijuana.

Facebook Comments