Davao City – Balhug na sa Sasa PNP ang amahan kinsa misunog-patay sa iyang
3 anyos nga anak.
Nahitabo ang krimen alas-10 sa kagabhion sa pinuy-anan sa mag-ama sa Purok
26 Malagamot Barangay Panacan ning siyudad.
Ang suspek giila nga mao si alyas Randy, 44 anyos usa ka construction
worker.
Subay sa imbestigasyon sa kapulisan, nakamata ang silingan ni alyas Randy nga
si Leonardo Abli gumikan sa hilak sa usa ka bata nga iyang nadungog sulod
sa panimalay sa maong suspek.
Nakurat na lamang si Abli nga nagkalayo na ang maong bata hinungdan nga
giyaboan niya kini og tubig dayon dala sa balay tambalanan.
Samtang karon lang alas-6:30 sa kagabhion gikumpirma sa inahan sa bata nga
namatay na ang iyang anak sulod sa Southern Philippines Medical Center.
Kasong parricide ang atubangong kaso batok sa suspek.
RadyoMaN Don Pulayao
