TACLOBAN CITY – Gin-ngaranan ni Francis Grey, anak ni San Jorge, Samar Mayor Joseph Grey an mga gin-aaligar mastermind ha pagpatay kan Romulo Baracona dida han 2016, usa nga barangay kapitan ha Barangay Sapinet, San Jorge, Samar.
“Sila Emil Zosa po, Ronald Aquino at Jopas Gonzaga. Kasama ako sa pagpaplano nila kaso nga lang ayaw ko talagang gawin nila yun kasi mga kaibigan ko tong mga taong ito.”
Naaresto hi Francis ha Imus, Cavite pinaagi han Warrant Of Arrest nga iginpasaka ha iya ha kaso nga murder pero hiya in nagdidig-on nga diri hiya an pumatay ha nasabi nga Brgy. Kapitan.
Pero igindiwara mismo han iya tatay nga hi Mayor Joseph Grey an gin-aaligar pagkakadabi ni Calbayog City Mayor Rolando Aquino ngan Emil Zosa ha nasabi nga krimen.
“Yung anak ko nakakapagtaka na magsalita laban kay Mayor Onald (Ronaldo Aquino) at Col. Zosa kasi mga kumpare nya to eh. Tito ang tawag nya dyan tapos ang anak ko sobrang makipartido, hindi yan basta babaliktad. Emil and Mayor Onald were not behind or involved in the said murder case,”
Sumala kan Col. Zosa ngan Mayor Aquino, politika an nagpapaluyo hini nga pagpakaraot ha ira.
Ha interview naman han RMN kan Samar Gov. Sharee Ann Tan, diri hira an nagpapaluyo ha pagka-aresto ha bata nga Grey.
“The process was an entire police operations and mayada balaud nga ginsunod an aton kapulisan, an akon hito kay mayada nadisgrasya nga barangay official nga namatay ngan mayada magbabayad para hito.”
Dugang ha pamahayag ni Tan, posible propaganda han kaluyo nga grupo nga makit-an nga an pamilya Tan an nagpapaluyo hini nga pagka-aresto ngan pagsumat ni Grey, ilabi na daw nga kontra nira an mga nasabi kalaban ha politika dida han nakalabay nga eleksyon.
“Nananawagan ako ha akon kaalyado ngan ha kalaban nga unta ha paagi nga mahimyang la kita mangampanya ngan pasagdan ta an tawo kun hin-o gud an ira ginkakaruyag.”
Samtang, sumala han Samar PNP, bantay-sarado nira hi Francis Grey pati na an pamilya hini ha posible hulga ha ira kinabuhi.
