Sa interbyu sa DXDC RMN Davao kang Police Major Eduardo Corpuz, Station Commander sa San Isidro Municipal Police Station (MPS), giila niini ang suspek nga si Jomel Galgo, 22 anyos, residente sa Purok Molave, Barangay San Roque, San Isidro, Davao Oriental.
Saysay ni Corpuz, mismong inahan sa suspek nga si Esterlita Galgo, 49 anyos, ang nagpatabang sa kapulisan human kini gikulata sa iyang anak. Matud sa pulis, pila na usab kahigayon kining nagapangulata sa iyang ginikanan diin niadtong higayona nakahiagom og samad ug bun-og ang agtang, liog ug abaga sa iyang inahan, diin nasayrang nakainom usab ang suspek niadtong higayona.
“Iyahang mama mismo (ang nagpadakop). Mahadlok na man gud ang iyang mama nga makabuhi kay tungod pabalik-balik na, dili na mutuo. Even sa barangay, grabe na’g sumbong didto sa ilang barangay captain pud,” sulti ni Corpuz.
Gidakop ang suspek ug atol sa gihimong body search, nakita sa sling bag niini ang .38 caliber revolver nga adunay tulo ka bala nga daling gikumpiska sa awtoridad. Anaa na sa kamot sa kapulisan ang batan-on og gihikay na ang kasong atubangon niini.
RadyoMaN Kirby Manzon
