Lalaki, ga-ihaw sa iyang kaugalingon

31
Dinas, Zamboanga del Sur – Patay human ga-ihaw sa iyang kaugalingon ang usa ka lalaki nga nahitabo didtung dapita sa Purok 5, Brgy Legarda 3, Dinas, Zamboanga del Sur alas 5:10 ang takna sa hapon June 6, 2022.
Sa impormasyon nga nakalap sa RMN DXPR Pagadian 603 ug iFM Pagadian, giila sa PNP Dinas ang biktima nga si Rodrigo Ocso Baracol, 49-anyos, lalaki, minyo, residente sa maonga lugar.
Distansya og usa ka kilometro kapin kun kulang gikan sa pinuy-anan, napalgan ang patay nga lawas sa biktima sa kasagbutan, nga galuba sa iyang liog gamit ang sundang nga maoy gituhuang hinungdan sa iyang kamatayon.
Nasayran nga ang biktima na-depress, nagka-problema matod pa sa daghang utang niini. Dugang rebelasyon sa asawa sa biktima nga si Mary Grace Bugay Baracol, nagka-hallucination matod pa kanunay ang biktima ug galitok sa mga pulong nga “LUOY KAAYO KA DAY”.
Base sa imbestigador nga si PSSg Kemuel Tingholo nga wala matod pay foul play ang maong incedente.
Facebook Comments