DPWH XI employee angol human mibangga sa ref van

142
Davao City- Pila nalang ka minuto una mag alas-12 sa kadlawon sa Hunyo 7, 2022 dihang kalit nisalpok ang usa ka motor sa ref kun freezer van sa may bypass Bangkal, Catalunan Pequeño ning syudad sa Davao.

Sa interbyu sa RMN Davao kang Police Major Romeo Mapana, Station Commander sa PS 17 Baliok Police Station, padulong ang freezer van sa may Bangkal nga dalan samtang pa Catalunan Pequeño ang motor dihang ni swerve kini ug nibangga sa atubangan sa maong freezer van.

Sa kakusog sa impact angol ang drayber sa motor nga giilang si Niño Cesar M. Danila, empleyado sa Department of Public Works and Highways (DPWH) Region XI.

Gibutyag ni Major Mapana nga alegasyong nakainom nga nag drive ang biktima kinsa daling gidala sa emergency medical responders sa Southern Philippines Medical Center ( SPMC).

Samtang temporaryong gi-hold ang driver sa freezer van nga si Rolly Calamcaman Humol
nga adunay dalang mga perishable goods.

Matud ni Mapana, parehong isyuhan og Temporary Operator’s Permit (TOP) ang duha ka mga drayber.



Dugang niini posibleng magatubang og kasong paglapas sa Republic Act 10586 kun Anti drunk Driving Law kung mapamatud-ang nakainom o hubog ang drayber atol sa nasangpit nga disgrasya.

RadyoMaN Aimee Guinita

Facebook Comments