Giila ang maong namatay nga si Vincent Isagani Madlos, anak ni Ka-Oris, miyembro sa CPP-NPA Central Committee ug head sa National Technical Bureau ug National Communications Bureau of the National Operations Command (NOC).
Naghulat sa napatay ang multiple warrant of arrests sa mga nagkadaiyang lugar sa CARAGA ug Northern Mindanao.
Lakip usab nga namatay ang asawa niini nga giilang si Angie Polandres Salinas nga pulos wanted top terrorist leaders.
Sumala ni Col. Ted B. Dumosmog, Officer-In-Charge (OIC) sa 403rd Infantry Brigade, nga nagapahigayon og Special Operation ang mga tropa sa Joint Task Force Diamond (JTFD) nga gilangkuban sa mga tropa sa 8th IB ug Intelligence Units sa dihang nakaengkwentro ang wala masutang ihap sa mga NPA nga milungtad og 15 minutos.
Human ang maong engkwentro, narekober ang patay’ng lawas ni Madlos ug ang asawa niini lakip ang pagkarekober sa duha ka mga AK47 rifle, mga gamit-panggubat ug mga personal nga mga butang.
Gipamahayag usab ni 4th Infantry Division Commander Wilbur C. Mamawag nga ang pagkapatay sa mga lider sa NPA nahimong klaro nga resulta sa insurhensiya sa Mindanao.
Maong pag-aghat niya sa mga nahibiling miyembro sa NPA nga mutahan na balik sa malinawong pamuyo uban ilang tagsa-tagsa ka mga pamilya.
