Kapin 300 ka mga barangay sa Bukidnon, drug cleared na sigon sa PDEA

25
Miabot na sa 309 ang kinatibuk-ang ihap sa mga barangay sa probinsya nga gikonsiderang drug cleared sa Philippine Drug Enforcement Agency (PDEA)-Bukidnon.

Sa interview sa RMN Malaybalay ngadto kang PDEA Agent Alex Subang, gibutyag niya nga sa kinaulahing datos, anaa na sa 309 ang mga drug cleared affected barangays sa probinsya.

Dugang pa nga anaa nalang sa 134 ang mga nahibiling uncleared barangays sa Bukidnon lakip na niini ang 21 ka mga unaffected barangays ug ang mga munisipyo sa Dangcagan, Lantapan, Linabo, ug Damulog nga kamulo ang proseso sa pagdrug-cleared.

Una na nga nadrug clear nga munisipyo ang Pangantucan.

Dugang pa ni Subang nga kining mga unaffected barangays mao ang mga barangay nga wala gayud drug personalities diin adunay 21 sa probinsya.

Sa pikas nga bahin, nagpasalamat usab si Agent Subang ngadto sa lokal nga pangagamhanan sa Malaybalay ilabi na sa katawhan nga nagpakabana sa ilang kampanya batok sa illegal nga droga ug sobleng giaghat ang publiko nga mureport gilayon sa ahensiya panahon nga adunay mamatikdan nga nalambigit sa maong illegal nga binuhatan.

Facebook Comments