Anak sa kapitan gitipi

General Santos City—Patay ang usa ka mag-uuma sa pagpamusil alas 8:16 sa buntag niadtong Biyernes, Pebrero 2. Giila ang biktima nga si Gringgo Sadigan Mangansakan, 30, minyo ug anak ni Abdillah Mangansakan, kapitan sa Barangay Paidu Pulangi, Pikit.

Gibutyag ni Pikit Chief of Police, Chief Inspector Romy CastaΓ±ares nga sakay ang biktima sa iyang motorsiklo gikan sa Barangay Poblacion sa lungsod ug pauli na unta sa iyang balay.

Apan giatngan siya og duha ka wala mailhing mga lalaki ug gipusil gamit ang kalibre .45 nga pistola. Abtik sab nga miikyas ang mga suspetsado sakay sa laing motor paingon sa hilit nga dapit sa Pikit.


Dead on the spot si Mangansakan nga nakaangkon og duha ka samad sa ulo. Nasayran nga una gipatay ang biktima, dunay kini nakaaway nga grupo sa ilang dapit kalabutan sa yuta nga iyang giugmad.

Apan kapulisan sa Pikit Municipal Police Station padayon pang nagsusi aron nga matumbok ug madakpan ang mga suspek. (Emir Bariquit)

Facebook Comments