By: Nitz Arancon
Nahulog sa kamot sa kapolisan ning syudad sa Cagayan de Oro, ang usa ka 20 anyos nga lalaki nga nag negosyo ug illegal drug.
Si Police Senior Inspector Maricris Mulat, nga hepe sa City Drug Enforcement Unit, sa Cagayan de Oro City Police office, mipa-ila sa maong suspect nga si Lahmoden Ampuan, 20 years old, menyo, nga residente sa Tarak Lanao del Sur.
Nadakpan ang maong suspect pina-agi sa buy bust operation sa kapolisan kagahapon sa dalang Corales Chaves ning syudad sa Cagayan de Oro,.
Matud ni Mulat, nakuha sa possession sa maong suspect, ang kapin kon kulang 55 ka gramos, nga suspected SHABU, ug mokabat sa market value nga 357 thousand pesos.
Nakuha usab sa kapolisan ang mark money nga 1,000.00 ug usa ka Samsung cellphone
Matud ni Police Sr. Insp. Mulat, ang ilang anti drug operation gisaksihan ni Kapitan Ely Adoraflor, sa Barangay 3 ning syudad
Dugang pa ni Police Sr. Insp. Mulat nga ang maong suspect, anak sa usa ka pulis nga na-assign didto sa usa sa mga lungsod sa Lanao del sur.
Kini nga insidente, nahitabo, bandang kapin kon kulang 2:30 pm. kagahapon sa hapon diha sa dalan Corales-chaves ning syudad sa Cagayan de Oro
Ang maong suspect, gi-detain sa Maharlika Detention Cell ug karong adlawa, gitakda nga ang maong suspect pasaka-an sa kasong drug pushing.
