NEGROS OCCIDENTAL – Nagtaliwan si anay Negros Occidental 5th District Congressman Jose Apolinario “Jun” Lozada, Jr. sa edad nga 67 bangud sang brain hemorrhage may mga las 6:25 sini gid lamang nga aga sa National Kidney and Transplant Institute sa Quezon City.
Si Lozada ang na-diagnose nga may prostate cancer sadtong tuig 2014 kag humalin sadto, amat amat na nga nag-deteriorate ang iya nga health condition.
Sa interview sang dyHB kay Jonathan Lobaton, DPA, anay staff ni Cong. Lozada kag karon Chief-of-Staff ni Vice-Governor Eugenio Jose Lacson nga ini ang nangin anay Ambassador to Palau kag iban pa nga pwesto sa Austria kag Vatican.
Nangin Congressman sang 5th District sang Negros Occidental sang 1998-2004 kag nagpapili senador sang 2010 apang wala nangin mapalaron.
Nag-serbe si Lozada bilang Presidential Adviser for Foreign Affairs sadtong 1992 sa idalum sang administrasyon ni anay President Fidel V. Ramos.
Si Lozada amo man ang main author sang Dual Citizenship Act.
Ini siya kasado kag may duha ka mga kabataan nga sanday Charmaine kag Apple nga lunsay na mga professional.
Base sa inisyal nga pahayag sang pamilya ni Lozada, pagadal-on ang iya bangkay sa iya lugar sa Brgy. Quintin Remo sa banwa sang Moises Padilla./dyHB BACOLOD
