Ginbawian sang kabuhi ang anay Kapitan sang Barangay 35 syudad sang Bacolod matapos ginluthang sa isa ka gym sa Margarita Street, Barangay Villamonte mga las 4:45 kahapon Abril 16.
Ginkilala ang biktima kay Emanuel ‘Maui’ Huelar, Jr., anay punong barangay kag subong man anay basketball player sang Negros Slashers.
Sa interview sang DYHB sa tag-iya sang gym nga si Romel Pordilla, apisar nga closed ang iya sini nga gym bangud sa ginapatigayon nga enhanced community quarantine (ECQ), nag-ayo si Huelar sa iya nga gym instructor nga mag gym, apang matapos nga nagpana-og sa iya nga awto kag sang ini hana na magsulod sa pertahan sang gym hinali nga may nagtiro sa iya sang makaduha ka beses nga nag-igo sa idalum nga likod sang iya nga ulo.
Suno kay Pordilla, si Huelar ang masami naga gym kun hapon umpisa nga nag-open ini sa masubra na sa isa ka tuig.
Samtang, suno naman kay Bacolod City Police Office spokeman, Lt. Col. Ariel Pico kag sa imbestigasyon sang kapulisan naga exercise si Huelar sa sulod sang gym sang may nagtawag sa iya nga cellphone kag ini ang naggwa sa gym kag didto na natabo ang pagtiro.
Matapos ang pagtiro, gilayon naman nga naglakat-lakat ang kapin duha tubtob apat ka mga suspek padulong sa east nga bahin sang nasambit nga lugar kag nagsakay sa motorsiklo.
Na-recover sa crime scene ang duha (2) ka empty shell sang 45 cal. pistol kag may nakuha man sa belt bag ni Huelar ang isa ka armas, kwarta kag mga identification cards.
Sa karon blanko pa ang otoridad sa identity sang mga suspek kag sa motibo sang pag patay.
Madumduman nga si Huelar ang gindakup sa drug buy bust sadtong Nobyembre 2016 apang ini ang nakagwa matapos nga nagpaidalum sa plea bargaining agreement sang Disyembre 2018.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
