Ginnkumpirmar ni anay Police Chief Inspector Charlie Sustento nga ginpatawag siya sang NBI Central Office agud magpaathag sa reklamo batuk sa iya ni Congressman Ferj Biron.
Suno kay Sustento nga siya ang ginapasibangdan ni Biron nga amo ang yara sa likod sang FB account nga PHIL PHARM nga naga-post sang ginapahayag mga anomaliya sang kongresista,
Ginpahayag ni Sustento nga bangud sini, ginpadal-an siya sang sub-poena sang NBI agud magpaathag sa nasambit nga reklamo nga paglapas sa RA 10195 ukon cybercrime law.
Ginpaathag sini nga wala siya sang kahilabtanan sa nasambit nga facebook account kag sa pagkamatuod wala na siya tiyempo sa pagtutok sa social media bangud masako siya sa ila matag-adlaw nga palangabuhian matapos mawad-an sang trabaho sang madismiss siya sa serbisyo.
Nagpalabtik man si Sustento kay Biron nga padayon siya sini nga ginahingabot kag ginadumtan apesar wala na siya sa serbisyo.
