General Santos City–Pormal nang milingkod isip bag-ong Brigade Commander sa 2203rd Army Reservist Brigade si Col. Emmanuel “Manny” Pacquiao.
Nasayran nga kagahapong adlawa pormal nga gipahigayon ang change of command nga gipahigayon sa 1002nd brigade compound sa may Malungon, Sarangani Province kung asa gihulipan niini si Out Going Brigade Commander Lt. Col. Jaime Yangzon.
Si. Sen. Pacquiao maoy pinakaunang senador nga moserbisyo isip Brigade Commander sa Army Reserve Command kung asa iyang dumalahan ang mukabat sa 3,000 ka mga reservist.
Sumala ni Col. Emmanuel Pacquiao nga iyang gidawat ang responsibilidad tungod buot niyang makatabang sa pagmintina sa kalinaw sa mga lugar ilawom sa iyang ginsakupan.
Nasayran nga usa sa mga tahas sa reservist mao ang medical ug civic action program ug daghan pang uban.
