Gin-indict sang Pasay City Prosecutor’s Office si anay Provincial Administrator Manuel “Boy ” Mejorada sa lima ka counts sang libel nga ginpasaka sa iya ni Senador Franklin Drilon.
Ginpaguwa sang Pasay City Prosecutor’s Office ang desisyon matapos nakitaan sini sang malisya ang mga posts ni Mejorada angut sa mga proyekto sa siyudad sang Iloilo nga ginpatuman ni Drilon.
Nahibaluan nga ginapamilit ni Mejorada nga may isyu sang corruption ang pagpatindug sang mga infrastructures projects ni Drilon sa siyudad gamit ang disbursement acceleration program ukon DAP.
Wala pa mabaton ni Mejorada ang kopya sang nasambit nga desisyon apang ginpahayag sini nga maga-file siya sang motion for reconsideration sa tion nga mabasa na niya ang desisyon.
Madumduman nga gintawag ni Mejorada nga bird’s nest of corruption ang siyudad sang Iloilo bangud sa alegasyon sini nga mga maanomaliya nga pagpatuman sang mga proyekto ni Drilon.
