Ancestral house, nasunog

New Washington, Aklan – Otsenta porsyento nga sunog rong sangka ancestral house matapos nga magtuhaw rong sunog kabii sa Rizal St., Poblacion, New Washington, Aklan.
Suno kay F01 John Ervin Prado it Bureau of Fire New Washington nga nabaton nanda rong report mga alas 8:40 kabii ag insigida nag responde.
Pag-abot sa lugar hay masyado eon nga mabahoe rong kaeayo sa nasambit nga ancestral house nga ginapanag-iyahan it pamilya Santiago.
Madasig nga nag eapta rong kaeyo bangud nga himo sa mixed materials ro nasambit nga baeay ag mabasog rong hangin.
Bangud kara, hay nagpangayo pa it responde rong BFP New Wash sa BFP Kalibo para nga maagapan eagi ay maeapit rong sunog sa sangka gasolinahan kung sa siin na fire out raya mga alas 9:56 eon kabii.
Nagtuga raya it more or less P60,000 nga halit sa naga istar nga si Mr. Ariel Santiago.
Padayon pa makaron ro imbestigasyon it BFP angot sa gintunaan ko nasambit nga sunog.

Facebook Comments