BACOLOD CITY – Paano nakapauli si Bernice Gwendolen Pagaling?
Kon madumduman naglapta sa social media ang pagkadula ni ‘Gwen’ sa diin ginpost ini sang iya mga himata sa Facebook sang gab-i mismo sang Setyembre 14 sa diin wala na nakapauli ang Grade 9 student sang St. Rose of Lima.
Magluwas sa Facebook, ginpablotter man ini sa police station, CIDG kag NBI.
Sa amu nga post, ulihi nga nakit-an ang bata las 4 sang hapon sa gate sang amu nga buluthuan kag wala nahibaluan kon anu ang natabo sa iya.
Sa pagpangusisa sang dyHB, si ‘Gwen’ ang matuod nga naglayas gid man matapos nga gin-akigan ini sang iya iloy bangod gindula sini ang iya nga cellphone.
Ang amu nga pag-akig sang iloy nagtuga sang kalain sang buot sang dalaga tubtob ini ang ang naglayas.
Nagpanago si ‘Gwen’ sa balay sang iya classmate nga babaye sa Fortune Towne, Barangay Estefania.
Walo ka adlaw ang iya pagpanago, tubtob nga kahapon nga adlaw, nakamarasmas siya nga kinahanglan nya na nga magpauli bangod gakabalaka na ang iya pamilya.
Si ‘Gwen’ ang residente sang Villa Angela Subdivision, Barangay Villamonte.
