BACOLOD CITY – Matapos nga nagtrending sa facebook post sang isa ka netizen, madamo karon ang nagapangita kon diin na ang nagviral nga ginbansagan sang dyHB nga ‘Babaeng Blackeye’.
May nagsiling nga ini siya ang wala na nagpakita matapos nga nagsikat sa social media.
Sang Enero 29 sa Bangga Ramos, kon madumduman si ‘Babaeng Blackeye’ ang nagkuot sang kahita sang isa ka señor citizen sa diin sang nadakpan, ginhaboy niya ang kahita sa guwa sang Bata – Libertad nga jeep nga dira sila nagasakay.
Nabutang pa una sa ‘hot water’ ang traffic enforcer nga si Pio Puentevella bangod wala niya ini gindakop bisan pa nga hayag nga nakit-an sini nga nagpalagyo ang ‘babaeng blackeye’ matapos nabalahuba ang iya modus.
Sa interview sang dyHB kay Traffic Enforcer Puentevella iya ginsiling nga nadakpan niya gid man ang babaye apang sang gin-uba sini ang iya dilargo kag bayo, kag ginpasimhot pa sa iya ilong ang halin sa kinatawo sang babaye, nakibot ini rasun nga liwat nga dumalagan.
Sang nadakpan nya, kag may naghambal nga ‘buang’ iya nalang ini ginbuy-an ilabi na nga nakita nya nga naglakat naman ang tagreklamo.
Pagkaaga, nakit-an si ‘babaeng blackeye’ sa atubang sang Kia Motors sa dalan Araneta.
May isa man ka netizen nga nagpost nga nakit-an nya ini nga gasakay man sa jeep.
May nagcomment man nga nakit-an isa ka bes ang babaye nga may bitbit nga wasay.
DIIN NA SI ‘BABAENG BLACKEY’E?
