Anggulong foulplay gitan-aw sa naghikog nga 13 anyus

Kamatayun sa 13 anyus nga gahikog giimbestigahan basin may foul play
Napalgang patay ang usa ka 13 anyos nga batang lalaki kinsa gitoohang naghikog human nakitang naghikot sa liog ug nagbitay likod mismo sa ilang panimalay.
Giila ang biktima nga si Pazon Gonzaga, 13 anyos ug residenti sa Brgy. Limaha ning syudad sa Butuan.
Sigun sa inahan sa biktima nga posibleng naguol ang iyang anak human iya kining gibalibaran sa iyang gusto nga mobisita sa iyang amahan didto sa Brgy. Los Angeles ning syudad sa Butuan human bag-o lang kini nakagawas gikan sa bilanggoan.
Apan gibutyag ni Punong Barangay John Benjamin Rosales nga posibleng adunay ‘foul play’ ang insidenti human nakita nga adunay samad sa tiil ug sa ubang parti sa iyang lawas ang biktima.
Gitoohan sa mga silingan nga ang ama-ama sa biktima ang adunay kalambigitan sa iyang kamatayon.
Makaduda usab ang desisyon sa pamilya nga nagdumili na sa pagpa-autopsy sa patay’ng lawas sa batan-on.
Dugang pa ni Kap. Rosales nga makatabang ang kuha sa CCTV atbang sa panimalay sa biktima sa himoong makuting imbistigasyon sa giingong paghikog sa maong biktima.
Ang managsunod nga pamahayag sa inahan sa biktima ug ni Punong Barangay John Benjamin Rosales sa interview sa RMN DXBC Butuan.
Limpyo ang akong konsenya! Kini ang tubag ni Roland Lagare sa interview sa RMN DXBC Butuan, ang ama-ama ni Pazon Gonzaga ang 13 anyos nga biktimang naghikog patay liko sa ilang panimalay sa Brgy. Limaha ning syudad sa Butuan.
Si Lagare ang gidudahan sa mga silingan nga matud pa posibleng adunay kalabotan sa kamatayon sa biktima human gidudahan nga adunay ‘foul play’ ang nasangpit nga insidenti. Aminado ang ama-ama nga iyang mapasakitan usahay ang maong bata apan normal lang kini isip paagi sa pagdisiplina sa higayon nga siya makasala.
Niya pa nga kombinsihon niya ang tinoud nga amahan sa bata nga ipaubos sa autopsy ang patay’ng lawas sa biktima aron malimpyo ang iyang kaugalingon gikan sa mga pagduda. Naglaum usab siya nga makuha ang kopya sa CCTV nga maoy magpamatuod nga inosenti siya sa pasangil.
Si Roland Lagare, ang ama-ama sa 13 anyos nga biktima sa interview sa RMN DXBC Butuan