DUHA ka persona sakay sa motor ang aksidente nga nabungguan sang Armored Van las dose kaina sang udto sa dalan Araneta, Barangay Sum-ag syudad sang Bacolod.
Ginkilala ang biktima nga sakay sa motor nga sanday, John Rey Relota, 30 anyos kag amo ang drayber sang motor kag angkas nga si Junie Ganancial, 61 anyos tanan residente sang Brgy. Pta. Taytay.
Ginkilala naman ang drayber sang Armored Van kay Alfie Gevero, 32 anyos sang Prk. 3, Panaquiao, Isabela, Negros Occidental kag isa ka security guard sang Cebu Mandarin Security Agency.
Sa imbestigasyon sang Police Station 9, nagapondo sa center lane sang dalan ang motor kag nagasignal para magliko sang ginbungguan sang armored van nga nagresulta sang pagka injured sang nagasakay sa motor.
Matapos nga nagbunggo sa motor, nagderecho sa opposite nga direction sang dalan ang van kag nagbunggo naman ini sa kasugata nga ceres bus nga ginamaniho ni Romel Jumalon kag nagresulta sang pagka damage sang mga imbolbado nga salakyan.
Gindala naman sa Bacolod Adventist Medical Center ang duha ka nagasakay sa motor bangud sa naangkon sini nga kapilasan.
NAgreklamo naman ang pamilya sang biktima sa RMN bangud ini sila ang ginpromisahan nga buligan sang armored van nga nagbunggo bangud yara sa kritikal nga kondisyon ang angkas sa motor nga si Junie Ganancial apang sang ulihi ginpabay-an kag indi na makuntak ang mga ini matapos ang insidente.
[image: image.png]
