BACOLOD CITY – (2nd Update) Ginakabig ni Bacolod Mayor Bing Leonardia nga ‘answered prayer’ ang pag-dismiss sang Sandiganbayan sa criminal case nga ginpasaka sa iya kag walo ka mga city hall employees angot sa gina-siling ‘anomalous procurement’ sang 49 million pesos nga balor sang furniture and fixtures sa New Government Center.
Sa interview sang dyHB, ginsiling ni Leonardia nga maka-concentrate na siya sa karon sa iya trabaho bilang alkalde bangud nga gin-ako sini nga ma-sabad kag usik sa tiempo sa ti-on nga may yara sang gina-atubang nga kaso ang isa ka opisyal sang gobierno.
Dugang pa ni Mayor Bing nga mga kaso nga ginapasaka batok sa iya ang kabahin gid lamang sang mga ‘challenges’ bilang isa ka elected public servant.
Sa desisyon nga Sandiganbayan, ila gin-dismissed ang graft case ni Bacolod City Mayor Evelio “Bing” Leonardia bangud sa ‘inordinate delay.’
Sa resolution nga ginpagwa nanday Fourth Division chair Associate Justice Alex Quiroz, Associate Justices Reynaldo Cruz kag Bayani Jacinto sang Enero 26, ila ginpaboran ang motion to dismiss nga gin-file sang kampo ni Leonardia matapos nga nag-lawig sang kapin walo ka tuig antis gin-talakay sang Ombudsman ang amo nga complaint.
Yari ang kabahin sang desisyon nga ginpa-gwa sang Sandiganbayan: “The court sustains the claim of the accused that the proceeding before the Office of the Ombudsman as to their case, spanning a period of eight years and two months, reckoned from the filing of the email complaint on October 14, 2008 until the approval by the Honorable Ombudsman on December 13, 2016 of the Joint Resolution dated December 2, 2016, violated the constitutional guarantee against inordinate delay.”
Samtang, gin-dimissed man sang Sandiganbayan ang mga charges batok sa mga co-accused nga katapo nga Bids and Awards Committee lakip sanday Atty. Goldwyn Nifras, City Budget Officer Luzviminda Treyes, Department of Public Services head Nelson Sedillo Sr., City Engineer Belly Aguillon, City Accountant Eduardo Ravena, Assistant Department Head Aladino Agbones, Architect Jaries Ebenizer Encabo kag Assistant General Services Officer Melvin Recabar.
Nagmando man ang korte nga e-lift ukon kakson na ang hold departure orders batok kay Leonardia kag walo ka iban.
