Mas ginpabaskog pa sang city government ang information, education and communication campaign.
May kaangtanan ini sa observance sang national no smoking month subong nga bulan sang Hunyo.
Particular nga ginahatagan sang pagtamod sang Iloilo city anti-smoking task force ukon I-CAST ang mga pamatan-on.
Focus sang iCAST ang awareness antes magbukas ang klase kag sa election sang bag-o nga mga SK officials.
Hugot nga ginadumili sang ordinansa ang pagpanigarilyo kag vaping sa kalayuon nga 100 meter radius sang eskwelahan, hospitals, public plazas, government buildings kag clinics, kag laboratories.
Ginadumili man ang posters ukon drop boxes sang mga kumpaniya sang sigarilyo nga nagapatuman sang promos.
Ang magapalas nga establisments mag multa nga P2,000 sa first offense; P3,000 sa second offense kag 1-week suspension ukon cancellation sang permit; kag P5,000 sa third offense kag revocation of permit.
Sa data sang iCAST sugod Enero tubtob mayo 2018 may kabug-usan nga 3,103 ka apprehensions, 2,672 ukon kadam-an mga sibilyan; 244 ang estudyante; 163 ang public utility drivers; kag 24 ang minors nmga ang pinakabata nagaedad sang 16 anyos.
Photo from web
