General Santos City–Dili pa confirmatory result ang antigen-test nga ginahimo karon sa City Health Office. Kini ang gibutyag ni Dr. Ryan Aplicador, Hospital Chief sa Dr. Jorge P. Royeca Hospital.
Sumala niya nga ang maong test ang ginagamit alang sa screening gumikan mas epektibo kini sa pagsuta sa mga posibleng covid positive kung itandi sa ginagamit kaniadto nga rapid anti-body test. Ang kinsa matud pang magpositibo sa antigen test ang subject para sa RT-PCR test nga maoy confirmatory test para sa covid 19.
Samtang, gibutyag ni Dr. Aplicador nga ang DOH maoy naga-consolidate sa tanang positive result sa tanang test nga ginahimo sa rehiyon. Apan ang gikan sa Gensan, mas daghan matud pa ang test nga ginahimo sa Dr. Jorge P. Royeca Hospital kung itandi sa pribadong hospital nga nagahimo ug swab test.
Saysay niya nga kung adunay sobra nga mga specimen, kini ang gina-padala sa Cotabato Regional And Medical Center, apan dili na pareho kaniadto nga gatusan ang ginapadala sa ubang testing facility gumikan makaya na matud pa nga i-cater sa Royeca Hospital ang mga level 2 ug level 3 contact sa mga covid positive.(LVR)
