Polomolok, South Cotabato–Patay ang usa ka personahe human gipusil sa wala pa mailhing suspetsado sa Purok 4-B, Brgy. Koronadal Proper, Polomolok, South Cotabato.
Giila ang biktima nga si Baharin Amal Mantawil, 39 -anyos, tricycle driver ug residente sa Purok 6, Brgy. Koronadal Proper, Polomolok, South Cotabato. Sa imbestigasyon sa Polomolok Municipal Police Station, gikan sa ilang balay ang biktima sakay sa tricycle dihang kalit lang kining gipusil sa duha ka mga suspetsado nga nakamotorsiklo nga hinungdan sa iyang kamatayon.
Gilayon nga misibat padulong sa direksyon sa Brgy Koronadal Proper ang duha ka mga suspek sakay sa ilang get away vehicle. Nakuha sa crime scene ang mga basyo sa 5.56 MM ug ang ginamaneho nga tricycle sa biktima. Nasayran nga ang biktima ang kanhi nang napriso sa South Cotabato Provincial Jail sa kaso nga panglapas sa Section 11 ug 5 sa RA 9165.
