Nagsurender ang anum ka mga miyembro sang New People’s Army ukon NPA sa Tampakan, South Cotabato.
Sa ginpatigayon nga turn- over ceremony, ginpahayag ni Tampakan Mayor Leonard Escobillo nga madugay na nga programa sang LGU ang pagpakig-istory sa mga rebelde nga luyag magbalik kag surender sa gobyerno.
Nagpasalamat naman si Escobillo sa bulig sang militar sa pagpakig-istorya.
Ginpasalamatan man sang alkalde ang Sangguniang Bayan sa pag aproba sang pondo nga ihatag sa mga nagsurender nga rebelde.
Nakabaton naman ang mga rebel returnees sang P15K nga cash assistance halin sa lokal nga panggobyerno sang Tampakan.
Samtang makabaton man sang dugang nga ayuda ang anum ka mga anay miyembro sang CTG sa idalom sang Enhanced Comprehensive Local Integration Program.
Ang nasambit nga programa ang gintambongan nanday LTC Ezra Balagtey sang 39th IB, Tampakan Vice Mayor John Mark Baldon, MLGOO Marijuvie Manzano kag Barangay Danlag Punong Barangay Judith Magbanua.
