Ginkilala na sang ila pamilya ang 5 sa anum ka mga nagkalamatay sa natabo nga sunog las 4 kaina sang kaagahon sa Java Pension House (anay Bascon Hotel) sa dalan Gonzaga-Locsin, Bacolod City.
Suno sa hepe sang Bacolod Bureau of Fire Protection, Fire Marshall Publio Ploteña ang mga biktima amo sanday Christopher Java, tag-iya sang pension house, ang bata niya sini nga si Miguel Java, 12 anyos, Ronalyn Dacallo, 44 anyos, taga Bago City, yaya ni Miguel kag ang iloy ni Christopher nga si Magdalena Java lakip na ang cashier nga si Arnold Filomino, 54 anyos, residente sang Bago City.
Ginpahayag ni Ploteña nga ginabulubanta nagdangat sa kapin P8 million pesos ang kahalitan sang natabo nga sunog samtang padayon naman nga gina-usisa kon bala ano ang gintunaan kag diin naghalin ang kalayo.
Base sa pagpangusisa ang mga biktima ang napatay bangud sang suffocation bangod wala na ini sila nakapanaog bangod didto nagsugod ang kalayo sa una nga panalgan.
[image: image.png]
