Dakup ang apat ka security guard matapos nakuha-an sang armas nga WALA sang nagaka-igo nga papeles sa Barangay Maytubig, banwa sang Isabela.
Ang mga na-aresto nga mga gwardia ang nakilala nga sanday Gerenico Cabugnason, Joemari Cabansagan, Leodegario Santisteban kag Carlo Geopano sa diin ini sila ang sa idalum sang Black Arrow Security Agency.
Suno sa hepe sang Isabala PNP – Polic Capt. Roger Pama nga ila ginrespondehan ang reklamo sang mga residente sa lugar matapos nga may yara sang ginpasirad-an nga dalan nga ginbantayan sang mga ‘blue guards’.
Didto na kag ginhusisa sang kapulisan ang apat ka gwardia kag ila na-diskubrehan nga wala sang naga-igo nga papeles ang ila mga armas nga ginalakipan sang duwa ka shotgun kag isa ka 38 nga revolver.
Ini sila ang magapangatubang sang kaso nga pag-violate sang COMELEC GUN BAN.
