Apat sa pito ka mga hardware stores dire sa probinsya sang South Cotabato partikular na sa banwa sang Norala kag Surallah nga nakadtuan sang Department of Trade and Industry ukon DTI South Cotabato ang nadakpan sini nga nagabaligya sang substandard nga steel products sa ginpatigayon nga monitoring, surveillance and enforcement sa trade and industry laws.
Ang nasambit nga monitoring enforcement activity sang ahensya ang tungod sa nagadata suno pa nga substandard products.
May-angot sini, suno kay DTI Consumers Welfare Division Chief Elbert Capicio ginahatagan sang 48 ka oras ang nasambit nga mga hardware stores nga i-settle ang bayolasyon.
Nagalab-ot naman sa maximum nga P35, 000.00 ang ipapanaug nga pinalidad sa establishemento nga nakakomitir sang bayolasyon.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
