Nagpositibo sa illegal drugs ang apat sa 49 ka mga inmates sang South Cotabato Rehabilitation and Detention Center nga ginpaidalom sa random drug test sang Lunes nga adlaw. Ini ang kumpirmasyon ni OIC Warden Lory Celeste.
Suno kay Celeste nga ginpaidalom sa drug test ang nasambit nga mga preso tungod sa nabaton nga impormasyon nga may nagagamit sang ginadumilian nga druga sa selda sang mga ini.
Sa subong suno pa ginbutang sa safekeeping cell ang apat ka mga preso nga nagpositibo sa drug test.
Ginpahayag man ni OIC Warden Celeste nga mas ginpahugtan pa gid ang seguridad sa Provincial Jail matapos ang panibag-o nga paghaboy sang iligal nga druga sa pasilidad.
Pahayag niya nga naghingyo sila sang dugang nga CCTV camera nga ibutang sa bisinidad sang pasilidad.
