Iloilo City – Nagtapungulay ang apat ka mga lalaki sa isa ka convenience store sa bahin sang JM Basa Street , Iloilo City sang nagligad nga Dominggo , Enero 28.
Suno sa nakakita kag tag-iya sang video footage nga si Ehcor Yam Legaspi, 27 anyos sang Jaro, naga-inum-inom sila sa sagwa sang convenience store alas 9:54 sang Dominggo sang gab-i kon sa diin, may isa ka grupo sang mga kalalakihan nga yara sa sulod sang store kag ang menor de edad nila nga upod ang naga-dirty finger sa mga customer.
Ginpahayag ni Legaspi nga napikon na ang isa ka lalaki sa pihak nga table sa aktwasyon sang menor rason nga nagluntad ang pagbina-isay tubtob nagtinapungulay ang mga ini.
Suno naman kay PCI Val Ladublan sang Police Station 1, natigayon nga maaresto ang 2 ka lalaki nga involve sa insidente nga sanday Juñel Gamayao, 23 anyos sang Veterans Village, Iloilo City kag si Rosendo Rey Cabalquinto, 21 anyos sang Zone 2 , Calumpang , Molo .
Ginpahayag ni Ladublan nga nakagwa man gilayon sa presohan ang mga ini bangud indi na interisado nga magpasaka sang kaso ang complainant nga si Bernard Viernes, 28 anyos sang Veterans Village, Iloilo City .
(c) Ehcor Yam Legaspi
