Malaybalay City, Bukidnon – Gipahayag karon sa Pantawi Pamilyang Pilipino Program kon 4p’s – Northern Mindanao nga gihulat pa nila ang resulta sa gihimo nga “Malawakang Kumustahan” sa mga miyembro sa 4ps.
Sa interview sa RMN Malaybalay ngadto kang Oliver Inodeo, ang focal person sa 4p’s region 10 gibutyag niini nga gihimo kini sa Department of Social Welfare and Development kon DSWD aron masuta kung kumusta na ba ang kahimtang sa mga miyembro tungod sa mao nga programa kon kini ba adunay alibyo.
Matud ni Inodeo nga gihimo ang mao nga halapad nga kumustahan kaniadtong bulan sa Oktubre hangtod Disyembre sa nakalabay nga tuig ug gisa-pinal na ang mao nga pagtuon.
Nasayran nga mao kini ang mahimong basehan sa DSWD aron tun-an ang mao nga programa.
Gipahayag usab niini nga base sa ilang inisyal nga assessment aduna mga nilambo na ang kahimtang sa usa ka miyembro tungod sa 4ps. Apil na matud pa niini ang usa ka lumulupyo sa lungsod sa Maramag, Bukidnon nga ni-waive sa mao nga programa tungod sa iyang pagpailawom sa sustainable livelihood program ug nilambo sa iyang negosyo.
