APAT KA MGA OPISYAL, GINAPILIAN NGA MAGABULOS SA PAGABAYAAN NGA POSISYON NI BRIGADIER JOHN BULALACAO NGA MAGARETIRO NA SA SERBISYO.

274

Apat ka mga ngalan ang posible pagapili-an nga magabulos bilang Regional Director sang Police Regional Office 6 sa pagretiro ni Police Brigadier General John Bulalacao sa Hunyo 27 kadungan sang iya ika-56 nga kaadlawan.

Sa ginhiwat nga press conference ni General Bulalacao sa Kampo Delgado, gin-hingadlan sang opisyal ang mga posible magatal-os sa iya nga ginalakipan nanday Brigadier General Rene Pamosposan, Brigadier General Joyet Esquivel, Brigadier General Ferdinand Divina kag General Filmore Escobal.


Suno kay Bulalacao nga ang sin-o man nga mapilian ang sigurado nga magapadayon sang mga programa sang PNP nga iya naumpisahan.

Ginpat-od sini nga ang magabulos sa iya ang sigurado nga mga maayo man nga opisyal ang ginapilian nga magabulos sa iya kag basi mas maayo pa sang sa iya kabangdanan wala sang dapat kabalak-an ang mga pumuluyo bangud yara sa maayo nga kamot ang PRO-6.

Bangud sini, ginhingyo sang opisyal sa mga pumuluyo sa Rehiyon nga suportahan ang magapungko nga bag-o nga regional Director kasubong sang suporta nga ginhatag sa iya.

Facebook Comments

From Advertisers