Roxas City, Capiz – Arestado ang tatlo ka mga persona lakip ang isa ka menor de edad sa separado nga operasyon sang mga otoridad sa Brgy Culasi Roxas City kag Brgy Bailan banwa sang Pontevedra.
Sa buy bust operation nga ginkasa sang mga katapo sang Provincial Drug Enforcement Unit sang Capiz PPO, naglab-ot sa kabug-osan nga lima ka sachet ang narekober nagikan sa subject person nga si Mike Anisco kag 16-anyos sini nga upod sa Brgy Culasi, sining syudad.
Samtang arestado man sanday Wilfredo Apruebo kag Bonifacio Villaruz alias “Boni” sang Brgy San Jose, Roxas City matapos nakig-transaksyon sa mga otoridad sa ginpatigayon nga buy bust operation sa Brgy Bailan, Pontevedra.
Narekober sa mga ini ang anum ka sachet sang suspected shabu, duha ka cellphone, buy bust money kag traysikol.
Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang amu nga mga persona.
photo(c)- PDEA
