Gin-confirm sa DYHB sang hepe sang Sagay City PNP nga si Police Major Antonio Benetiz nga may apat ka miembro sang Philippine National Police-Special Action Force (PNP-SAF) nga nag-abot sa syudad sang Sagay mga las Siete kaina sang aga, Mayo 14 halin sa Manila.
Suno kay Benetiz, ang apat ka SAF ang gin-padala sa Sagay para sa bag-o nila nga assignment kag ini sila ang nag-abot sa BREDCO Port kaina sang aga kag nag-derecho sa syudad sang Sagay sakay sa isa ka pribado nga salakyan, apang pag-abot sa boarder control sang syudad ini sila ang ginpaidalum sa rapid test kag isa sa apat ang reactive sa test ukon nakitaan sang sintoma sang corona virus.
Ang apat ka SAF member ang ginpaidalum na sa 14-day mandatory quarantine sa pasilidad sang syudad sang Sagay kag ini sila ang pagakuhaan sang swab test buas nga adlaw.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
