WALA sang na-recover nga illegal nga droga ang Philippine Drug Enforcement Agency (PDEA) sa ila ginpatigayon nga search operation sa apat ka prisuhan sa Negros Occidental.
Nagpatigayon sang ‘operation greyhound’ ukon surprise inspection ang PDEA-Negros Occidental sa diin wala sang may narecover nga shabu ukon marijuana sa Metro Bacolod District Jail Male Dormitory Annex sa Bacolod City, Talisay City Jail, Silay City Jail, kag Victorias City Jail.
Kapin sa 289 ka mga inmates ang ginpa-idalum sa surprise drug test sa diin ini sila tanan nag-negatibo sa ilegal nga droga.
Nahibalu-an nga may yara sang memorandum of agreement ang PDEA kag BJMP angot sa pagpatigayon sang search operation sa mga prisuhan agud mapasiguro nga wala na naga-gamit sang ilegal nga droga ang mga inmates.
