BACOLOD CITY, NEGROS OCCIDENTAL – Mga 85% sang mga estudyante kag 100% sang mga manunudlo ang nagpadulong sa una nga adlaw sang klase sa Negros Occidental High School (NOHS) sa syudad sang Bacolod kahapon nga adlaw, Hunyo 5.
Ini ang ginkumpermar ni Sir Mario Amaca, Principal IV sang NOHS bilang assestment sa pagbukas sang klase bisan may nagluntad nga transport strike.
Suno kay Amaca, karun nga tuig 2017 – 2018, may ara kapin sa 7 mil ang kabog-usan nga estudyante sang Negros Occidental High School, sa diin wala naman sang mga dalagkuan nga problema nga nagtuhaw kag ini nangin tayuyon naman bisan kulang ang ila mga hulot , bangud kay wala pa matapos ang pila ka mga ginaconstruct nga mga classrooms.
Angot sini ginapanugyanan naman ni Amaca sa mga ginikanan nga i-encourage gid ang ila mga kabataan nga magsulod sa eskuelahan.
