General Santos City–Dili pabor ang grupo sa Alliance Of Progressive Labor (APL) sa gibutyag ni Presidente Rodrigo Duterte nga hatagan ug 500 pesos nga subsidy ang mga trabahante nga gagmay ug income.
Sumala pa ni Herbert Demus ang Secretary General sa APL nga kuwang ang P500.00 nga subsidy ngadto sa panginahanglan karon nga katawhan gumikan hilabihan kamahal ang palaliton.
Mas maayo kung wala gipatuman ang train law sa Pilipinas sanglit mas maayong subli kining tu-an tungod usa kini sa mga nagpasamot sa kalisod nga nasinatian karon sa mga yanong katawhan hilabi na sa mga minimum wage earner.
Ang naka binipisyo lang matud pa sa TRAIN law mao kadtong mga dagko ug income nga mga impleyado tungod nakunhuran ang ilang mga buwis apan ang mga minimum wage earner ang wala matud pa naka binipisyo niini tungod kay daan na silang walay tax lagmit walay madugang sa ilahang sweldo apan ang galastuhon matud pa ang samot nga naga mahal lakip na ang pamasahe ug uban pa. (Dave Silagan)
(Photo From Web)
