Gibutyag sa kumpanya pinaagi sa gipahulang official statement nga base sa ilahang data walay iregularidad sa dagan sa tubig gawas lamang ning mga semanaha nga naobserbahang hinay ang tubig sa sapa nunot sa dry weather ug walay pag-ulan tungod sa giingong El Niño phenomenon subay sa forecast sa DOST-PAG-ASA.
Walay kamatuoran alang sa Apo Agua nga sila ang hinungdan sa pag-uga sa tubig sapa kay natuman matud pa nila ang water permit ug tanang environmental requirements sa Davao City Bulk Water Supply Project, parte sa kondisyon nga ang Apo Agua imentenar angminimum amount sa flow sa tubig sa sapa.
Gikanayon nila nga ang ilahang regular commissioning activities ang pag-divert sa gitugot ra nga amount sa Tamugan River sukad March 2023 para kini sa production sa potable water ug ang pasiliad nila gidisenyo nga ibalik ang unsa mang sobrang tubig ngadto sa Panigan-Tamugan River.
Giawhag sa Apo Agua ang publiko sa pagtinabangay sa pagprotektar sa Panigan-Tamugan River tungod usab sa kadaghanon sa gapahimulos sa sapa inubanan pa sa huwaw nga lauman pa sa musunod nga mga bulan.
RadyoMaN Aimee Guinita
