Heartbroken ka bala bangud sang breakup?
Indi na magproblema bangud may App na nga makabulig sa imo agud malampuwasan ang mapait nga dalit sang paghigugma.
Ginpakilala na sa publiko sang leading break up kag divorce Coach sa UK nga si Sara Davidson ang app nga ginatawag ‘seven steps to a better breakup.
Tanyag sini ang step by step guide agud mabuligan ang mga heartbroken nga lalaki kag babaye nga malapuwasan ang una nga bahin sang masakit nga break up ukon divorce.
Ginhimo ni Davidson ang app sa handum nga mabuligan ang mga couples nga mag-move on sa ila break up ukon divorce.
Sa UK ginabanta nga masobra sa 100,000 ka divorce ang nagakatabu kada tuig kag kadam-an sa mga ini nagakatabu pa sa pag-umpisa sang bag-ong tuig.
Ginapakita sang app kun ano ang mga strategies agud ma-manage sang mga tawo ang ila emosyon kag reakyson sa nagakatabu sa ila kabuhi.
May goal setting man ang app kag makadihon sang ila action plan ang tagsa ka maggagamit sini agud makapadayun sang ila kabuhi.
