Aprobado na sang mga katapo sang Sangguniang Panlalawigan sa ginpatigayon nila nga regular session kahapon nga adlaw ang confirmation sang appointment ni Atty. Marnito Cosep bilang Provincial Legal Officer sang South Cotabato.
Nangin unanimous ang confirmation ni Atty. Cosep matapos nga kumbinsido ang mga katapo sang Sangguniang Panlalawigan nga kwalipikado ini nga mangin Provincial Legal Officer .
Si Cosep ang una na nga gindesignar bilang OIC Provincial Legal Officer sa pagpungko ni South Cotabato Governor Reynaldo Tamayo Jr. sang Hulyo 1 subong nga tuig.
May-angot sini, nagpasalamat naman si Atty. Cosep sa mga katapo sang Sangguniang Panlalawigan sa pagkumpirma sang iya nga appointment kag ginsiguro nga tungdan sini ang obligasyon.
Ginkumpirmar niya man nga ang isa sa daku nga ginakaptan nga kaso sang iya talatapan ang may kahilabtanan sa pagkwestyon samg SMI kag tribal gruop sa banwa sang Tampakan ang pagban sang open pit mining sa South Cotabato nga wala pa natalakay ang pinakaisyu sa korte.
