BACOLOD CITY – Padayon karon ang imbestigasyon nga ginapatigayon sang Scene of the Crime Operatives ukon SOCO angut sa kamatayon sang isa ka lalaki nga nga nasapwan sa sulod sang isa ka room sang Tourist Inn sa BS Aquino Drive-Burgos Streets, Brgy. Villamonte, Bacolod City pasado las 7 kagab-i.
Ang biktima ginkilala pinaagi sa iya identification card nga amo si Eddie Mar Rico, 30 anyos ang edad, tumandok sang Imus, Cavite kag isa ka empleyado sang Crown Property Appraisal nga naka-base sa Makati, Metro Manila.
Suno sa imbestigasyon, ang amo nga lalaki ang nag check-in sa Tourist Inn sadtong September 4, 2018 pa kasunod nga ini ang nagpadulong sa Bacolod para sa work-related nga hilikuton.
Base sa inisyal nga pagpangusisa sang Police Station 4, wala sang foul play nga natabo bangud wala sang stab wound, gunshot wound nga nakita sa iya kag wala man sang visible injury.
Indi man posible ang anggulo nga robbery bangud intact ang mga gadget kag iban pa nga kagamitan sang amo nga lalaki./dyHB BACOLOD
