Gin-aprobahan na ni Governor Arthur Defensor ang resolution no. 2018-433 nga nagadeklarar sang Nobyembre 11-17 sang tagsa ka tuig bilang General Martin Delgado week.
Ini ang ginkumpirmar ni 2nd District Board member Demy Sonza nga amo ang nag-sponsor sang nasambit nga resolusyon.
Sa pagdumdum sang General Martin Delgado week tagsa ka tuig, may hiwaton nga aktibidad sa paghatag sang pasidungog sa ilonggo nga heneral kag pinakauna nga gobernador sang probinsya sang Iloilo.
Si General Martin Delgado ang ginbun-ag sang Nobyembre 11, 1858 sa banwa sang sta. Barbara kag napatay sang nobyembre 12, 1918.
Ginpangunahan ni General Delgado ang “cry of sta. Barbara” sang Nobyembre 17, 1898 kag gintukod ang revolutionary government sa Visayas kon sa diin diri una nga ginwagayway ang bandera sang Pilipinas sa guwa sang Luzon.
